Şəmkirdə avtomobilin aşması nəticəsində 2 nəfər ölüb. APA TV-nin qərb bürosunun verdiyi məlumata görə, hadisə ötən gecə Şəmkir-Daşkarxana yolunda qeydə alınıb.

Rayon sakini, 17 yaşlı Sarvan Rəhimov tərəfindən idarə olunan “VAZ-21099” markalı avtomobil idarəetmədən çıxaraq yolun kənarına aşıb. Qəza zamanı sürücü və sərnişini 17 yaşlı Elbrus Nəcəfov  hadisə yerində ölüb. Digər sərnişin, 16 yaşlı Elnur Həsənov isə müxtəlif bədən xəsarətləri ilə Şəmkir Mərkəzi Rayon Xəstəxanasına yerləşdirilib. Onun vəziyyətinin normal olduğu bildirilir.

Faktla bağlı Şəmkir rayon Polis Şöbəsində araşdırma aparılır.