Ağdam sakini özünü yandırıb. APA TV-nin xəbərinə görə, hadisə rayonun Quzanlı qəsəbəsində baş verib.

 

Baharlı-2 qəsəbəsində məskunlaşan 1975-ci il təvəllüdlü Hümbət Saleh oğlu Əhmədov üzərinə benzin tökərək özünü yandırıb. Hadisə şahidləri alovu söndürərək, Hümbət  Əhmədovu Ağdam Mərkəzi Rayon Xəstəxanasına çatdırıblar. Yaralının vəziyyəti orta-ağır qiymətləndirilir.

 

Yaxınlarının sözlərinə görə, Hümbət Əhmədovun psixoloji problemləri olub. O, Ruhi-Əsəb Xəstəlikləri Dispanserində qeydiyyatdadır.

 

Faktla bağlı Ağdam Rayon Polis Şöbəsində cinayət işi açılıb, araşdırma aparılır.