Avropa İttifaqı Türkiyənin quruma üzvlüyü barədə danışıqlar prosesini dayandıra bilər. APA TV-nin "Reuters"ə istinadən xəbərinə görə, bunu Avropa Komissarlığının sədri Jan Klod Yunker bildirib.

Yunker vurğulayıb ki, əgər Türkiyədə ölüm hökmü bərpa edilərsə, Ankara ilə müzakirələrə nöqtə qoyulacaq.

"İndi Türkiyədə vəziyyət elədir ki, bu ölkənin Avropa İttifaqına yaxın zamanlarda üzv olması qeyri-mümkündür", - deyə, o əlavə edib.

Xatırladaq ki, Türkiyədə baş verən dövlət çevrilişi cəhdindən sonra ölkədə fövqəladə vəziyyət elan edilib və ölüm hökmünün bərpası məsələsinə parlamentdə baxılacağı qeyd olunub. Prezident Ərdoğan isə ölüm hökmünün bərpa olunacağını bir neçə çıxışında istisna etməyib.