Portuqaliyanın məşhur "Sportinq" klubu heyətinə azərbaycanlı futbolçunu qatıb. APA TV-nin Vesti.az-a istinadən xəbərinə görə, "şirlər" Azərbaycan millisinin 20 yaşlı yarımmüdafiəçisi Budaq Nəsirovu rənglərinə bağlayıb.

20 yaşlı yarımmüdafiəçi ilə ilkin olaraq, 1 mövsümlük müqavilə imzalanıb.

 

Nəsirov bu müddətdə özünü yaxşı tərəfdən göstərsə və mövsümün yekununda ehtiyac duyulsa, onun sözləşməsinin müddəti 2021-ci ilin iyun ayına qədər uzadılacaq.

 

Müqavilədə Nəsirovun başqa kluba keçməsi üçün transfer qiyməti 60 milyon avro olaraq göstərilib.

Xatırladaq ki, Budaq Nəsirov ötən sezon "Kəpəz"də çıxış edib.