Daşkəsəndə ölümlə nəticələnən yol nəqliyyat qəzası baş verib. APA TV-nin qərb bürosunun verdiyi məlumata görə, hadisə iyulun 26-da axşam saatlarında rayonun Zəylik kəndi ərazisində qeydə alınıb.

 

“PAZ” markalı sərnişin avtobusunun dərəyə aşması nəticəsində Göygöl rayonunun Çaykənd kənd sakini, 1996-cı il təvəllüdlü Yusif Nəcəfov ölüb, iki nəfər isə xəsarət alıb. Xəsarət alan Zəylik kənd sakinləri - 1994-cü il təvəllüdlü Tural Cəlalov  və həmyaşıdı Fərid Dalov müxtəlif bədən xəsarətləri ilə Gəncə şəhər Təcili Tibbi Yardım Xəstəxanasına yerləşdiriliblər. Onlara tibbi yardım göstərildikdən sonra evə buraxılıblar.

 

Faktla bağlı Daşkəsən rayon Polis Şöbəsində araşdırma aparılır.