Bərdədə 3 nəfərin ölümü, 1 nəfərin  ağır xəsarət alması ilə nəticələnən yol-nəqliyyat hadisəsi baş verib.

 

APA TV-nin Qarabağ müxbirinin xəbərinə görə, hadisə rayonun Qılınclı kəndi ərazisində qeydə alınıb.

 

Bərdə rayonu Hızırı kənd sakini, 1961-ci il təvəllüdlü Kərimov Yəhya İsgəndər oğlunun idarə etdiyi 99 HM 703 dövlət nömrə nişanlı “Mercedes” markalı avtomobil su kanalına düşüb.

 

Nəticədə sürücünün özü və sərnişinləri - 1984-cü il təvəllüdlü Bəxtiyar Ədalət oğlu Yusifli və 1952-ci il təvəllüdlü Dilgəm Məhəmməd oğlu Məmmədov hadisə yerində ölüb. Sərnişinlərdən Sahib Adil oğlu Hüseynov müxtəlif bədən xəsarətləri alıb.

 

Faktla bağlı Bərdə Rayon Polis Şöbəsində araşdırma aparılır.