İsmayıllı rayonu ərazisində bir nəfərin ölümü və bir nəfərin xəsarət alması ilə nəticələnən avtomobil qəzası baş verib.

 

APA TV-nin yerli bürosunun xəbərinə görə, hadisə Bakı-Şamaxı-Yevlax avtomobil yolunun İsmayıllının Külüllü kəndi ərazisindən keçən hissəsində qeydə alınıb.

 

90 XK 575 dövlət nömrə nişanlı BMW markalı minik avtomobilinin yoldan çıxaraq aşması nəticəsində Bakı şəhər sakini, 1957-ci il təvəllüdlü Məryəm Əziz qızı Quliyeva dünyasını dəyişib. Müxtəlif dərəcəli bədən xəsarətləri alan 1998-ci il təvəllüdlü Nəzrin Nazim qızı Hüseynova İsmayıllı Rayon Təcili və Təxirəsalınmaz Tibbi Yardım Stansiyasının avtomobili ilə İsmayıllı Rayon Mərkəzi Xəstəxanasına yerləşdirilib. Hazırda onun vəziyyəti ağır olaraq qalır.

 

Faktla bağlı araşdırma aparılır.