"Türkiyə Silahlı Qüvvələrini böyük dəyişikliklər gözləyir. Biz 150 ildir tamamlana bilməyən ordu islahatını yekunlaşdıracağıq".

 

APA TV-nin Türkiyə mətbuatına istinadən xəbərinə görə, bu fikirləri baş nazir Binəli Yıldırım ötən gün jurnalistlərlə görüşündə səsləndirib.

 

Baş nazir deyib ki, həyata keçiriləcək islahatlardan sonra Türkiyə bütünlüklə peşəkar ordu sisteminə keçəcək, bununla da hərbi xidmət müddəti azaldılacaq.

 

Binəli Yıldırım həmçinin dəyişikliklər qəbul edildikdən sonra hərbi xidmətə çağırılacaq əsgərlərin terrorçulara qarşı əməliyyatlara cəlb olunmayacağını da açıqlayıb.