Bakıda 16 yaşlı qız dənizdə batıb. APA TV-nin məlumatına görə, hadisə Binəqədi rayonu ərazisindəki çimərlikdə qeydə alınıb. Belə ki, Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Bakı şəhəri,  Binəqədi rayonu ərazisində dənizdə  1 nəfərin batması barədə məlumat daxil olub. Dərhal Nazirliyin Dövlət Sularda Xilasetmə Xidmətinin dalğıc-xilasediciləri hadisə yerinə yollanıblar.  Aparılan axtarışlar nəticəsində dənizdə boğulan şəxsin meyiti tapılaraq sahilə çıxarılıb. Kimlik araşdırması nəticəsində məlum olub ki, meyit 2000-ci il təvəllüdlü, Əliyeva Səmayə Vasif qızına aiddir. 16 yaşlı qızın cəsədi aidiyyəti üzrə təhvil verilib. Faktla bağlı araşdırma davam aparılır.