Sabah ölkə ərazisində hava yağmursuz keçəcək, şimal küləyi gündüz cənub-şərq küləyi ilə əvəz olunacaq. Sinoptiklərin məlumatına görə, havanın temperaturu gecə  22-25 dərəcə, gündüz  32-37 dərəcə, Bakıda gecə 23-25 dərəcə, gündüz  35-37 dərəcə isti olacaq. Nisbi rütubət gecə 60-70 faiz, gündüz 45-55 faiz təşkil edəcək. Abşeron çimərliklərində dəniz suyunun temperaturunun  Sumqayıt, Novxanı, Pirşağı, Nardaran, Bilgəh, Zaqulbada 23-24 dərəcə, Buzovna, Mərdəkan, Şüvəlanda  24-25 dərəcə, Türkan, Hövsan, Sahil, Şıxda  26-27 dərəcə isti olacağı gözlənilir.

 

Növbəti üç gün ərzində Abşeron yarımadasında zəif küləklərin üstünlüyü, bəzi  saatlarda durğun hava şəraiti,  gündüz isti temperatur diskomfortu meteohəssas insanlar üçün əlverişsizdir. Günorta saatlarında uzun müddət qızmar günəş altında olmaq məsləhət deyil.

 

Bölgələrdə havaların əsasən yağmursuz keçəcəyi, axşam bəzi şimal və qərb rayonlarında şimşək çaxacağı, qısamüddətli yağış yağacağı ehtimalı var. Şərq küləyi əsəcək.  Havanın temperaturu gecə 20-25 dərəcə isti, gündüz  34-39 dərəcə isti, dağlarda gecə 14-19 dərəcə isti, gündüz 25-30 dərəcə isti olacağı gözlənilir.