Çimərliklərdə vətəndaşlardan oğurluq etmək üzrə ixtisaslaşmış yeniyetmə və azyaşlılardan ibarət dəstənin üzvləri saxlanılıb. APA TV-nin məlumatına görə, Binəqədi rayon Polis İdarəsinin əməkdaşlarının keçirdiyi əməliyyat tədbirləri nəticəsində Sumqayıt sakini Mirhikmət Həmidovun rəhbərlik etdiyi 4 azyaşlıdan ibarət qrup ələ keçib. Araşdırma zamanı məlum olub ki, qrup üzvləri avqustun 4-də Novxanı qəsəbəsindəki dəniz çimərliyində Abşeron rayon sakini Rəhimə Qasımovaya məxsus içərisində 50 manat pul, 2 ədəd mobil telefon və şəxsiyyət vəsiqəsi olan çanta oğurlayıblar. Saxlanılan şəxslər Sumqayıt şəhər sakinləridir. Faktla bağlı araşdırma aparılır.