"Türkiyə dəyərli müttəfiq və NATO əməliyyatlarına böyük töhfələr verən bir ölkədir". Bu fikirlər NATO komandanlığının yaydığı bəyanatda yer alıb. Rusiya ilə yaxınlaşmadan sonra Türkiyənin hərbi alyansı tərk edə biləcəyi fikrinə münasibət bildirən NATO komandanlığı qeyd edib ki, Türkiyənin alyansı tərk etməsi müzakirə mövzusu deyil: "NATO Türkiyənin davamlı töhfələr verəcəyinə inanır, Türkiyə də NATO-nun  dəstəyinə etibar edə bilər". Açıqlamada NATO baş katibi Yens Stollenberqin 15 iyul silahlı çevriliş cəhdindən dərhal sonra həm xarici işlər naziri Mövlud Şavuşoğlu, həm prezident Ərdoğana zəng vurduğu xatırladılıb, NATO-nun Türkiyənin seçilmiş hökumətinə tam dəstək verdiyi bəyan edilib.