"JW Marriott Absheron" otelində meyit aşkar olunub . APA TV-nin məlumatına görə, meyitin  üzərində zorakılıq əlamətləri aşkarlanmayıb. Səbail rayon Polis İdarəsindən ölən şəxsin 1953-ci il təvəllüdlü Almuxanna Muxammed Ali Amin olduğu təsdiqlənib. Turistin paytaxta tək gəldiyi bildirilir. Şəkərli diabetdən əziyyət çəkən Səudiyyə Ərəbistanı vətəndaşının ağır çəkili  olduğu deyilir. Meyit üzərində aparılan tibbi müayinə zamanı vəfat edən şəxsdə hər hansı zəhərlənmə  əlaməti aşkar edilməyib. Onun ürək tutmasında öldüyü güman edilir. Səbail rayon Polis İdarəsindən verilən məlumata görə , meyitin ailəsinə  təhvil verilməsi üçün aidiyyəti qurumlarla danışıqlar aparılıb.