Həftə sonu qızmar hava şəraitinin davam etməsi nəticəsində günvurma halları çoxalıb. Şənbə və bazar günləri paytaxtda 4 nəfəri gün vurub. Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini İradə Əliyeva APA TV-yə açıqlamasında bildirib ki, həftə sonu günvurma ilə stansiyaya 4 nəfər müraciət edib.

 

Gün vuranlardan iki nəfəri xəstəxanaya yerləşdirilib. Baş həkimin müavini qeyd edib ki, yay mövsümü başlayandan bu günə kimi isə Təcili və Təxirəsalınmaz Tibbi Yardım Stansiyasına ümumilikdə 59 nəfər günvurma ilə bağlı müraciət edib. Onlardan 20 nəfər xəstəxanaya yerləşdirilib.