Gəncədə 17 yaşlı qız əməliyyat zamanı ölüb. APA TV-nin Qərb bürosunun verdiyi məlumata görə, hadisə şəhərdə yerləşən “Yeni Gəncə” tibb mərkəzində qeydə alınıb. Şəhər sakini, 1999-cu il təvəllüdlü Aygül Orucova burun çəpərindən əməliyyat olunan zaman dünyasını dəyişib.

 

Mərkəzdən verilən məlumata görə, əməliyyatdan sonra qızın vəziyyəti pisləşib. Ona təxminən 30 dəqiqə tibbi yardım göstərilsə də, həyatını xilas etmək mümkün olmayıb. Dünyasını dəyişən A. Orucovanın qohumları əməliyyatı həyata keçirən həkim və anestezioloqu döyüblər. Xəsarət alan həkim və anestezioloq reanimasiya şöbəsinə yerləşdiriliblər. 

Faktla bağlı Gəncə şəhər Prokurorluğunda cinayət işi başlanıb, araşdırma gedir.