Cerablusun İŞİD-dən azad edilməsi əməliyyatı çərçivəsində qəsəbə yaxınlığında dörd kənd terrorçulardan təmizlənib. APA TV-nin məlumatına görə, Azad Suriya Ordusu silahlıları "Fərat qalxanı" əməliyyatı çərçivəsində Türkiyə ordusunun dəstəyi ilə Kəklicə, Kıvırcık, Elvaniyə və Güyüncük kəndlərini İŞİD-dən təmizləyib. Azad Suriya Ordusu Cerablus istiqamətində irəliləməkdə davam edir. Müxtəlif mənbələr əməliyyatda 1500-dək silahlı müxalifin iştirak etdiyini bildirir. Türkiyə ordusu Cerablusdakı İŞİD mövqelərinə tank və ağır artilleriyadan zərbələri davam etdirir.