Xəzər dənizinin Xaçmaz rayonu Müqtədir qəsəbəsi ərazisində iki nəfər dənizdə batıb.

 

APA TV-nin şimal bürosunun verdiyi məlumata görə, Quba rayonunun Digah kənd sakinləri -  38 yaşlı Nəcəfov Roman Abdul oğlu və 40 yaşlı Ömərov Elman Fərrux oğlu Nabran qəsəbəsi ərazisində (ən yaxınlıqdakı xilasetmə məntəqəsindən 1500 metr aralıda, nəzarətsiz ərazidə) dənizdə boğulub.

 

Hər iki şəxsin axtarışlarına Fövqəladə Hallar Nazirliyinin Şimal Regional İdarəsinin dalğıc xilasetmə qrupu cəlb olunub. Aparılan axtarışlar nəticəsində Roman Nəcəfov və Elman Ömərovun meyitləri tapılaraq aidiyyəti üzrə təhvil verilib.