Dünya birjalarında neftin qiyməti stabilləşmək üzrədir. Son 24 saat ərzində "Brent" markalı neftin bir bareli 49,72 dollardan satılıb, səhər seanslarında isə bu markadan olan neft 49,09 dollardan təklif olunur. Qərbi Texas nefti də dəyərini qorumaqdadır. Sutka ərzində maksimum 47,58 dollara satılan WTİ nefti hazırda 46,88 dollara satılır.

 

Neftin qiymətinin stabilləşməsinə ənənəvi faktorlar təsir göstərir. Hazırda bazarda qiymətlərin korreksiyası prosesi gedir, həftənin son hərracları sabah keçiriləcək. Gün ərzində qiymətlərdə ciddi dəyişiklik müşahidə olunmasa, neft həftəni 49-50 dollar diapazonunda başa vura bilər.