Moskvada güclü yanğın: 18 yaşı tamam olmamış MDB vətəndaşları öldü
Moskvanın şimal-şərqində yerləşən anbarda yanğın baş verib.
APA TV-nin Rusiya mətbuatına istinadən verdiyi xəbərə görə, hadisə nəticəsində azı 16 nəfər ölüb.
Yanğın zamanı həlak olan şəxslərin MDB ölkələrinin vətəndaşları olduğu və binada fəaliyyət göstərən mətbəədə çalışdıqları qeyd olunur. Ölənlərin heç 18 yaşlarının tamam olmadığı deyilir.
Xatırladaq ki, yanğın bu gün səhər saatlarında baş verib. Yanğın Altufeyevski şosesində yerləşən anbarda qeydə alınıb. Hazırda yanğının söndürüldüyü bildirilir.
