Nizami və Sumqayıt rayon polis idarələri əməkdaşların keçirdikləri əməliyyat tədbirləri nəticəsində oğurluqda təqsirli bilinən qadınlar saxlanılıblar. APA TV-nin məlumatına görə, 23-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini Vüsalə Rzazadəyə məxsus evdən 55 manat pul və 800 manat dəyərində qızıl əşyalar oğurlamaqda şübhəli bilinən Minarə Məmmədova saxlanılıb. Qadın oğurluğu tamah məqsədi ilə törətdiyini etiraf edib.

 

Sumqayıt polisi isə axtarışda olan Südabə Şükürovanı saxlayıb. Həyata keçirdikləri əməliyyat-axtarış tədbirləri nəticəsində iyulun 4-də şəhər sakini Aişə Məmmədliyə məxsus mağazadan qızıl boyunbağı oğurlamaqda şübhəli bilinən İmişli rayon sakini, əvvəllər məhkum olunmuş Südabə Şükürova saxlanılıb. Hər iki şəxs ətrafında istintaq tədbirləri davam etdirilir