Kürdəmirdə narkotik maddə alqı-satqısı ilə məşğul olan şəxslər tutulub. APA TV-nin yerli bürosunun xəbərinə görə, Kürdəmir rayon Polis Şöbəsinə daxil olan məlumat əsasında rayonun Sığırlı kənd sakini Fəqan Əlqiyas oğlu Əzizov şübhəli şəxs qismində saxlanılıb.

 

İlkin dindirmə zamanı məlum olub ki, F. Əzizov  22,97 qram qurudulmuş marixuananı hələlik istintaqa məlum olmayan mənbədən əldə edərək onun 5,31 qramını həmkəndlisi Ramal Vaqif oğlu Bəşirova 30 manata satıb. R. Bəşirov isə onu  Karrar kənd sakininə Zəka Mazan oğlu Ramazanova 40 manata satarkən saxlanılıb. Polis əməkdaşları Fəqan Əzizovun yaşadığı ünvanda axtarış  apararkən həyətdəki VAZ-2107 markalı avtomaşından 3 hissəyə bölünmüş ümumi çəkisi 17,66 qram olan narkotik vasitə aşkar edərək götürüblər. Faktla bağlı araşdırmalar davam edir.