Türkiyənin Azərbaycandakı səfirliyində Türkiyənin 30 avqust - Zəfər bayramı münasibətilə qəbul təşkil olunub. 

 

APA TV-nin məlumatına görə, tədbirdə Azərbaycanın ictimai-siyasi xadimləri, millət vəkilləri, media nümayəndələri, Azərbaycanda fəaliyyət göstərən xarici diplomatik korpusların nümayəndələri iştirak edib.

 

Əvvəlcə Türkiyənin opera sənətçisi Oya Ergünün ifasında hər iki ölkənin dövlət himni səsləndirilib. Daha sonra Türkiyənin Azərbaycandakı səfirliyinin müvəqqəti işlər vəkili Meral Barlas Türkiyə prezidenti Rəcəb Tayyib Ərdoğanın Zəfər bayramı münasibətilə Türkiyə xalqına mesajını oxuyub.

 

Tədbir bayramla əlaqədar təşkil olunmuş şam yeməyi ilə davam edib.