Hakkarinin Çukurca qəsəbəsində PKK terrorçularına qarşı mübarizəsi davam edir.

 

APA TV-nin Türkiyə mətbuatına istinadən xəbərinə görə, Çukurcada həyata keçirilən hərbi əməliyyatlar zamanı 30 terrorçu həbs olunub, 27 silahlı isə öldürülüb.

 

Genişmiqyaslı əməliyyatlara havadan da dəstək verilib. Nəticədə hərbi əməliyyatlar zamanı Türkiyə Silahlı Qüvvələrinin 1 əsgəri şəhid olub, 7 hərbçisi isə yaralanıb.

 

Bundan əlavə, Hərbi Hava Qüvvələrinin keçirdiyi döyüş əməliyyatlarında daha bir terrorçu məhv edilib, silahlıların gizləndiyi iki mağara dağıdılıb.