Şəmkirdə iki nəfər bıçaqlandı
Şəmkirdə iki nəfər bıçaq xəsarəti ilə xəstəxanaya yerləşdirilib.
APA TV-nin qərb bürosunun məlumatına görə, Şəmkir şəhər sakini, 1974-cü il təvəllüdlü Rasim Axundov qarının kəsilmiş-deşilmiş yarası xəsarəti ilə Şəmkir Rayon Mərkəzi xəstəxanasına yerləşdirilib.
Dərhal əməliyyat edilən yaralının vəziyyəti orta ağır qiymətləndirilir. Onun kim tərəfindən və hansı şəraitdə bıçaqlandığı hələ ki məlum deyil.
Şəmkir rayonunun Şiştəpə kənd sakini, 1989-cu il təvəllüdlü Elman Nağıyev də qarının kəsilmiş-deşilmiş yarası xəsarəti ilə rayon xəstəxanasına yerləşdirilib. Yaralının vəziyyəti orta ağır qiymətləndirilir. Yaxınları E.Nağıyevin atdan yıxılaraq xəsarət aldıqlarını bildiriblər.
Hər iki faktla bağlı Şəmkir rayon Polis Şöbəsində araşdırma aparılır.
