“Ən-Nüsra Cəbhəsi” qruplaşmasının lideri məhv edildi
Suriyada “Cəbhət ən Nüsrə” (Hazırda adı “Cəbhət Fatah əş Şam”dır) qruplaşmasının lideri məhv edilib. APA TV-nin “Sinxua”ya istinadən verdiyi xəbərə görə, qruplaşma lideri naməlum təyyarənin Suriyanın şimal-qərb rayonuna endirdiyi zərbələr nəticəsində ölüb.
Məlumatda deyilir ki, suriyalı üsyançıların liderlərinin görüşü təyyarənin hədəfi olub. Onların əksəriyyətinin öldüyü bildirilir.
“Röyters”in xəbərinə görə isə, hücum nəticəsində öldürülən “Cəbhət ən Nüsrə” qruplaşmasının lideri Əbu Ömər Saraqebdir.
