Rio-2016: Azərbaycanlı atlet gümüş medal qazandı
Azərbaycan yığması Rio-2016 Paralimpiya Oyunlarında daha bir medal qazanıb.
APA TV-nin məlumatına görə, atlet Yelena Çebanu gümüş medala layiq görülüb.
O, 100 metr məsafəyə qaçışda ikinci yeri tutub. Çebanu 11.71 saniyə nəticə göstərib. Paralimpiya çempionu isə kubalı Omara Durand olub – 11.40 saniyə.
Qeyd edək ki, daha əvvəl cüdoçular Ramil Qasımov qızıl, Bayram Mustafayev gümüş, Rövşən Səfərov isə bürünc medal qazanıb.
