Sərhədçilərimizin sayıqlığı sayəsində Azərbaycana növbəti dəfə narkotik vasitələrin gətirilməsinin qarşısı alınıb.

 

Dövlət Sərhəd Xidmətinin mətbuat mərkəzindən APA TV-yə verilən məlumata görə, Füzuli rayonunun Qazaxlar kəndi ərazisindəki sərhəd zastavasının xidməti sahə­sində qabaqlayıcı əməliyyat məlumatı əsasında həyata keçirilən əməliyyat-axtarış tədbirləri nəticəsində cəbhə bölgəsinə yaxın ərazidə minalanmış sahə­dən İrandan Azərbaycana narkotik maddələrin qaçaqmalçılığı ilə məşğul olan mütəşəkkil cinayətkar qrup zərərsizləşdiril­ib.

 

8 sentyabr 2016-cı il tarixdə saat 23:00 radələrində Füzuli rayon sakinləri Rəşad Rəsul oğlu Məmmədov və Bəxtiyar Möhübbət oğlu İsayev narkotik maddə olan 535 qram heroini və 460 qram həşiş qətranını dövlət sərhədindən keçirərkən yaxalanıblar.

 

Əməliyyat-axtarış tədbirləri nəticəsində onlarla cinayət əlaqəsində olan Sumqayıt şəhər sakini Əliyev Ramil Hüseynağa oğlu müəyyən­ləşdirilərək saxla­nıl­ıb.

 

9 sentyabr 2016-cı il tarixdə Dövlət Sərhəd Xidmətinin Sahil Mühafizəsi tərəfin­dən Lənkəran rayonunun Balıqçılar qəsəbəsi ərazi­sində həyata keçirilən tədbir­lər nəticəsində qəsəbə sakinləri - 1967-ci il təvəllüdlü Novruz Mirzəkişi oğlu Babaşov və 2001-ci il təvəllüdlü Dadaş Novruz oğlu Babaşov Xəzər dənizindən İrandan Azərbaycana narkotik maddə gətirərkən sahildə saxlanıl­ıblar. Sərhədçilərin qanuni tələblərinə məhəl qoymayaraq motosikletlə hadisə yerindən qaçmağa cəhd göstər­ən qaçaqmalçılar DSX əməkdaşlarının sayıqlığı sayəsində yaxalanıblar. Novruz Babaşova məxsus motosikletə baxış keçirilərkən bir ədəd bağlama­da 912 qram narkotik maddə olan heroin aşkar edilərək götürülüb.

 

Hər iki fakt üzrə əməliyyat-istintaq tədbirləri davam etdirilir.