ABŞ və İsrail birgə hərbi tərəfdaşlıq barədə memorandum imzalayıblar. APA TV-nin "Reuters"ə istinadən məlumatına görə, bu, təhlükəsizlik məsələləri ilə əlaqədardır.

Müqaviləyə əsasən, ABŞ 2018-2028-ci illər arasında İsrailə 38 milyard dollar yardım ayıracaq. İsrail bu müddət ərzində hər il məbləğin 3,3 milyard dollarını alacaq. Bundan əlavə, 500 milyon dollar da ölkənin raket zərbələrindən müdafiəsi üçün ödəniləcək.

Razılaşmada o da qeyd olunub ki, bu zaman kəsiyində İsrail ABŞ istehsalı olmayan heç bir silah almayacaq. Təl-Əvivə həmçinin ayrılan vəsait hesabına alınan hərbi-texnika üçün yanacaq alınması da qadağan edilir.

İsrail bununla yanaşı, ABŞ-ın 5-ci nəsil F-35 qırıcılarını da ala bilər.