Paytaxtın Nəsimi rayonu ərazisində qətl hadisəsi törədilib. Nəsimi Rayon Prokurorluğundan  APA TV-yə verilən məlumata görə, hadisə paytaxtın Süleyman Rəhimov küçəsində qeydə alınıb. Həmin küçədə yerləşən mənzillərdən birində, 1965-ci il təvəllüdlü Nigar Məhərrəm qızı Sadıqovanın meyiti tapılıb. Meyitə baxış keçirilərkən qadının küt alətlə öldürüldüyü məlum olub. Qətli törədən şəxslər daha sonra evi qarət ediblər. İlkin məlumata görə,  mənzildən təxminən 26 min manat və  5 min dolardan cox pul aparılıb. Ətrafda yaşayan qonşuların dediyinə görə, 48 yaşlı Nigar Sadığova 4 nömrəli xəstəxananın yaxınlığında meyvə -tərəvəz satışı ilə məşğul olub. Hazırda hadisəni törədən şəxs və ya şəxslərin müəyyən edilərək tutulması istiqamətində əməliyyat-axtarış tədbirləri davam etdirilir.