Azərbaycanın mərhum prezidenti Heydər Əliyevin Türkiyə Böyük Millət Məclisinin sabiq sədrinə hədiyyə etdiyi "Marşal Atatürk" portretinin qoyulduğu yer məlum olub.

 

APA TV-nin məlumatına görə, Türkiyə Böyük Millət Məclisində başlayan bərpa işlərindən sonra dəhlizdən götürülən əsər yeni açılan “TBMM sədrlərinə verilən hədiyyələr” muzeyinə yerləşdirilib. Əsərin olduğu yerdə parlament sədrlərinə verilən müxtəlif hədiyyələr yer alır. Tablonun müxalifət lojasından götürülməsinə xüsusilə CHP sərt etiraz bildirmişdi.

 

Qeyd edək ki, marşal uniformalı Atatürk portretini sabiq prezident Heydər Əliyev  TBMM-nin o vaxtkı sədri Hüsaməddiin Cindoruka hədiyyə edib. Xalça-portret təmir işlərinə qədər loja bölümünün arxasında, müxalifət dəhlizində yer alıb.