Türkiyənin Kilis şəhərinə Suriya ərazindən atılan üç "Katyuşa" ərmisi düşüb. APA TV-nin Türkiyə saytlarına istinadən xəbərinə görə, hadisə oktyabrın ikisində günortadan sonra qeydə alınıb.

Şəhərin mərkəzinə düşən və partlamayan mərmilərdən biri hərbçi-mütəxəssis tərəfindən zərərsizləşdirilərkən partlayış baş verib. Nəticədə mütəxəssis həlak olub, 2 əsgər isə yaralanıb. Yaralılar xəstəxanaya çatdırılıblar.
 

Raket zərbələrinə anında qarşılıq verən sərhəddəki türk hərbçiləri İŞİD-in mövqelərini atəşə tutub.

Xatırladaq ki, bu ilin əvvəlindən Türkiyə ərazisinin vurulması 22 nəfərin ölümü, onlarla insanın yaralanmasna səbəb olub.