Bu gün Xaçmaz rayonunda yanğın hadisəsi baş verib. APA TV-nin şimal bürosunun verdiyi məlumata görə, hadisə rayonun Hacıəlibəyli kəndində qeydə alınıb.

 

Kənd sakini, 1977-ci il təvəllüdlü Cahid Məmmədova məxsus ümumi sahəsi 60 kvadrat metrlik mənzilin 30 kvadratmetri yanıb. Yanğının söndürülməsi üçün əraziyə Xaçmaz rayon Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. Alovun daha geniş əraziyə keçməsinin qarşısı alınıb.

 

Yanğın zamanı evdə heç kim olmayıb. Fakt araşdırılır.