Ötən gecə Gəncədə güclü yanğın baş verib. Fövqəladə Hallar Nazirliyinin Dövlət Yanğından Mühafizə İdarəsinin Gəncə Yanğından Mühafizə Hissəsindən APA TV-nin qərb bürosuna verilən məlumata görə, hadisə şəhərin Kəpəz rayonu ərazisində qeydə alınıb. 7 otaqlı, sahəsi 600 kvadratmetr olan 3 yaşayış evində yaranan yanğın nəticəsində iki evin 350 kvadratmetri yanaraq yararsız hala düşüb, yerdə qalan 250 kvadratmetr sahə isə alovdan xilas edilib. Azər Məsimova məxsus evdə baş verən yanğının söndürülməsinə 10 yanğınsöndürən avtomobil cəlb edilib. Yanğınsöndürənlər tərəfindən söndürülən yanğının başvermə səbəbləri araşdırılır.