Odessanın qubernatoru Mixail Saakaşvili vilayətdə fövqəladə vəziyyət elan edib. APA TV-nin Rusiya mətbuatına istinadən məlumatına görə, bu qərar gözlənilən güclü qasırğa ilə əlaqədardır.

"Ağacların kökündən qopması, enerjinin kəsilməsi ilə nəticələnən təbii fəlakət üç nəfərin ölümünə səbəb olub. Hazırda 100-dən çox yaşayış məntəqəsi elektriksiz qalıb. Məktəblərdə dərslərin dayandırılmasını düşünürəm. Bəzi dövlət idarələrində çalışanların da iş saatları azaldılacaq. Yalnız əlaqədar təşkilatlar dəyə biləcək ziyanın qarşısını almaq üçün səfərbər olmalıdır", - deyə Saakaşvili öz "Facebook" səhifəsində yazıb.  

O, vətəndaşları evdən çıxmamağa çağırıb.

 

Xatırladaq ki, qasırğa oktyabrın 12-si axşam saatlarından başlayıb.