Bu gün səhər saatlarında Xaçmaz rayonu ərazisində piyadanın vurulması ilə nəticələnən yol-nəqliyyat hadisəsi baş verib.

 

APA-nın şimal bürosunun verdiyi məlumata görə, hadisə Gəndob-Yalama yolunun rayonun Qobuqırağı kəndi ərazisindən keçən hissəsində qeydə alınıb.

 

Rusiya dövlət nömrə nişanlı “Lada” markalı avtomaşın Sabiroba kənd sakini, 1994-cü il təvəllüdlü Şahzadə Sənan Rüstəm oğlunu vurub. O, dərhal Xaçmaz Mərkəzi Rayon Xəstəxanasına yerləşdirilib, vəziyyəti ağırdır.

 

Faktla bağlı araşdırmalar aparılır.