Gəncədə bir neçə ticarət obyektində yanğın qeydə alınıb. APA TV-nın qərb bürosunun verdiyi məlumata görə, hadisə şəhərin Nizami küçəsində baş verib.

 

Oktyabrın 17-də gecə saat 03:00 radələrində başlayan yanğın dönərxananın, qəzet köşkünün və qab-qacaq mağazasının ümumilikdə 65 kvadratmetr sahəsini yararsız hala salıb.

 

Ərazidəki 9 şam ağacı da yanıb. Əraziyə Gəncə Yanğından Mühafizə Hissəsinin 4 yanğınsöndürən avtomobili cəlb olunub. Alovun başqa tikililərə keçməsinin qarşısı alınıb, yanğın söndürülüb.

 

Yanğının səbəbləri araşdırılır.