Rusiyanın Ryazan şəhərində yaşayış binasında partlayış baş verib.

 

APA TV-nin  Rusiya mətbuatına istinadən verdiyi xəbərə görə, hadisə nəticəsində 3 nəfər ölüb, 16 nəfər xəsarət alıb, 2 nəfər itkin düşüb.

 

İlkin versiyaya əsasən, partlayışa səbəb qaz sızması olub. Partlayış nəticəsində binanın 9-cu və 10-cu mərtəbələrindəki  7 ev tamamilə yararsız vəziyyətə düşüb.

 

Ölənlərin meyitləri dağıntılar altından çıxarılıb. Onların üçü də yaşlı şəxslərdir.

Hazırda xəstəxanalarda 4 nəfər saxlanılıb. Hadisə yerində xilasedicilər işləyir. Ryazanda fövqəladə vəziyyət elan olunub.