İraq ordusunun Mosula endirdiyi hava zərbələri nəticəsində terror təşkilatının rəhbəri Əbu Bəkr əl-Bağdadinin ən yaxın adamı öldürülüb.

 

APA TV-nin Türkiyə mətbuatına istinadən məlumatına görə, onun köməkçisi Əbu Üsamə şəhərin cənub ərazisinin bombalanması nəticəsində məhv edilib. Onunla birlikdə İŞİD-in bir neçə komandiri də qətlə yetirilib.

Aviazərbələr Telleskuf qəsəbəsinə endirilib. İraq ordusunun rəhbərliyindən məlumat təsdiqlənib.

 

Xatırladaq ki, İraq ordusu peşmərgə ilə birlikdə Mosul əməliyyatına oktyabrın 17-də beynəlxalq koalisiyanın dəstəyi ilə başlayıb.