Dünya birjalarında neft bahalaşmaqda davam edir. APA TV-nin məluamtına görə, "Brent" markalı neftin 1 barelinin qiyməti 2015-ci ilin oktyabrın 9-dan bu vaxtadək ilk dəfə olaraq 54 dolları keçib.  

Dekabrın 1-i axşam saatlarında "Brent" markasının 1 barelinin dəyəri  3,99 faiz artaraq 53,92 dollar olub, bundan bir az əvvəl isə qiymət 54,02 dollaradək qalxıb.

WTI neftinin yanvar füçersləri isə 3,90 faiz  artaraq 1 barelə görə 51,37 dollar təşkil edib.

Qeyd edək ki, neftin kəskin bahalaşmasına səbəb OPEK-ə üzv olan ölkələrin hasilat həcminin məhdudlaşdırılmasına dair qərar qəbul etməsi olub.