Bakı və Abşeron yarımadasında dekabrın 4-də hava şəraiti dəyişkən buludlu, əsasən yağmursuz keçəcək. Bəzi yerlərdə zəif duman olacaq. Mülayim cənub-qərb küləyi arabir güclənəcək. 

 

Ekologiya və Təbii Sərvətlər Nazirliyindən APA TV-yəverilən məlumata görə, havanın temperaturunun yarımadada gecə  5-8, gündüz  10-15 dərəcə, Bakıda gecə  6-8, gündüz  13-15 dərəcə isti olacağı gözlənilir.

  

Azərbaycanın rayonlarında hava əsasən yağmursuz keçəcək. Gecə və səhər bəzi yerlərdə duman olacaq.

 

Qərb küləyi  ayrı-ayrı yerlərdə arabir güclənəcək.

 

Havanın temperaturunun gecə 1-6, gündüz 10-15 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 7-12 dərəcə isti olacağı gözlənilir.