Səudiyyə Ərəbistanında İran lehinə casusluq etməkdə ittiham olunan 32 nəfərdən 15-i edam ediləcək. APA TV-nin Türkiyə mətbuatına istinadən məlumatına görə, ittiham edilənlərdən 15 nəfər 6-25 il arası həbs cəzasına məhkum edilib, 2 nəfər bəraət alıb.

32 şübhəlidən 30-u Səudiyyə, 1-i İran, 1 nəfər isə Əfqanıstan vətəndaşıdır. Barələrində edam qərarı çıxarılan 15 nəfərin hamısı şiə təriqətinin üzvləridir.

Onlar ölkənin milli təhlükəsizliyinə təhdid törətməkdə, Tehranın gizli orqanları ilə əməkdaşlıqda suçlu bilinirlər. Həmin şəxslərin başqa-başqa vaxtlarda İranın ali dini rəhbəri Ayətullah Əli Xamneyi ilə görüşdükləri də iddia edilir.

Xatırladaq ki, Ər-Riyadla Tehran arasındakı gərginlik Səudiyyə Ərəbistanında şiə lider Nimr əl-Nimrin edam edilməsi ilə gərginləşib.