Gəncədə 22 yaşlı ana doğuş zamanı ölüb. APA TV-nın qərb bürosunun məlumatına görə, hadisə Abbas Səhhət adına 1 saylı şəhər xəstəxanasının doğum şöbəsində qeydə alınıb.

 

Şəhər sakini, 1994-cü il təvəllüdlü Səbinə Abdullayeva xəstəxanada doğuş zamanı ölüb. Məlumata görə, qadın hamiləliyinin 38-ci həftəsində xəstəxanaya aparılıb və qeysəriyyə əməliyyatı zamanı dünyasını dəyişib.

 

Ana ilk övladını dünyaya gətirirmiş. Doğuş zamanı ana vəfat etsə də, uşaq sağ qalıb.

 

Faktla bağlı hüquq-mühafizə orqanları tərəfindən araşdırma aparılır.