Rusiya FTX-nin əməkdaşları Samarada iki İŞİD terrorçusunu yaxalayıb. APA TV-nin Rusiya mətbuatına istinadən məlumatına görə, ələ keçən şəxslər Orta Asiya respublikalarından birinin vətəndaşlarıdır.

Əməliyyat Samara şəhərinin Zubçaninovka qəsəbəsində keçirilib.

Terrorçuların yaşadığı mənzildə axtarış aparılıb və kustar üsulla hazırlanmış partlayıcı qurğular aşkarlanıb.
 

Terrorçu olduqları artıq sübut olunan şəxslərin birinin 24, digərinin 21 yaşı var. Onlar Samarada kommersiya firmalarında mebel ustası kimi çalışıblar. Bununla yanaşı onlar Rusiyada öz həmyerlilərini terror təşkilatına cəlb etməkdə də şübhəli bilinirlər.