"Azərbaycan Əfqanıstan ərazisindəki hərbi əməliyyatlarda əhəmiyətli rola malikdir". APA TV-nin Rusiya mətbuatına istinadən məlumatına görə, bu fikirləri ABŞ ordusunun nəqliyyat komandanı, general Darren Makdyu səsləndirib.

 

"Mən Əfqanıstana səfərim çərçivəsində ölkə rəhbərliyi ilə görüşdüm. Onlar Azərbaycanın Əfqanıstandakı sülhyaratma prosesində iştirakını yüksək qiymətləndirərək, bu missiyaya verdiyi töhfəyə görə ölkə rəhbərliyinə təşəkkür etməyi xahiş etdilər", - deyə o bildirib.

 

General D.Makdyu eyni zamanda Azərbaycan prezidenti İlham Əliyev və müdafiə naziri Zakir Həsənovla təhlükəsizlik sahəsində birgə fəaliyyət məsələlərinin müzakirə olunduğunu bildirib.