Azərbaycan prezidenti İlham Əliyev Rusiya prezidenti Vladimir Putinə başsağlığı verib. APA TV-nin məlumatına görə, prezidentin başsağlığı məktubunda deyilir: “Rusiya Federasiyasının Türkiyə Respublikasındakı fövqəladə və səlahiyyətli səfiri Andrey Gennadyeviç Karlovun faciəli ölümü barədə xəbər məni dərindən sarsıtdı. Biz bu qanlı terror cinayətini qətiyyətlə və qeyd-şərtsiz pisləyirik. Sizə, həlak olmuş səfirin ailəsinə, doğmalarına və yaxınlarına dərin hüznlə başsağlığı verirəm”.

 

Qeyd edək ki, Rusiyanın Türkiyədəki səfiri Andrey Karlov Ankarada iştirak etdiyi rəsm sərgisi açılışında güllələnib. Səfir aldığı xəsarətlər nəticəsində dünyasını dəyişib.