Rusiyanın Ankaradakı səfiri Andrey Karlovun ötən gün sui-qəsd nəticəsində öldürülməsi ilə əlaqədar Rusiyanın Azərbaycandakı səfirliyində bayraq endirilib. APA TV-nin məlumatına görə, bundan əlavə, hadisə ilə əlaqədar sıravi vətəndaşlar səfirliyin önünə güllər düzüblər.

Səfirlik ətrafında təhlükəsizlik tədbirləri gücləndirilib. Səfirin ölümü ilə əlaqədar səfirlikdə anım kitabı da açılacaq.

 

Xatırladaq ki, ötən gün axşam Ankaradakı Müasir İncəsənət Mərkəzində keçirilən “Rusiya türklərin gözü ilə” sərgisində çıxışı zamanı Rusiyanın bu ölkədəki səfiri Andrey Karlov qətlə yetirilib.

 

Hadisəni törədən polis əməkdaşı Mert Altıntaş təhlükəsizlik əməkdaşları tərəfindən zərərsizləşdirilib.