Rusiyanın Türkiyədə qətlə yetirilən səfiri Andrey Karlovun cənazəsini aparan təyyarə Moskvanın Vnukovo hava limanında eniş edib.  

APA TV-nin Rusiya mətbuatına istinadən verdiyi məlumata görə, təyyarənin göyərtəsində Karlovun həyat yoldaşı da olub. Onu həkim və Rusiya FHN-nin psixoloqu müşayiət edib.   

Rusiyanın xarici işlər naziri və onun Moskvada səfərdə olan türkiyəli həmkarı Mövlud Çavuşoğlu da təyyarəni qarşılayanlar arasında olub.

Xatırladaq ki, ötən gün axşam Ankaradakı Müasir İncəsənət Mərkəzində keçirilən “Rusiya türklərin gözü ilə” sərgisində çıxışı zamanı Türkiyənin bu ölkədəki səfiri Andrey Karlov qətlə yetirilib.