Tərtərdə keçmiş arvadının sevgilisini öldürən şəxs saxlanılıb.

 

Tərtər Rayon Polis Şöbəsindən APA TV-nin Qarabağ bürosuna verilən xəbərə görə, Tərtər və Bakı Şəhər Polis İdarəsinin cinayət-axtarış bölməsi əməkdaşlarının birgə keçirdiyi axtarış tədbirləri nəticəsində 1972-ci il təvəllüdlü Vüqar Tofiq oğlu Hüseynov yaxalanaraq Tərtərə gətirilib.

 

Qeyd edək ki,  Vüqar Hüseynov  keçmiş həyat yoldaşı Cəmilə Əhmədovanın ər-arvad münasibətində yaşadığı Kəlbəcər rayon sakini, 1981-ci il təvəllüdlü Qaraxan Tanrıverdiyevə iki bıçaq zərbəsi vuraraq hadisə yerindən qaçmışdı. Rusiyada həmyerlisini öldürdüyü üçün uzun müddət həbsxana həyatı yaşayan Vüqar Hüseynov cəmi iki ay əvvəl azadlığa buraxılmışdı.