“Fərat qalxanı” hərəkatı çərçivəsində həyata keçirilən hava hücumu zamanı İŞİD terror təşkilatının Əl-Babdakı qərargahına zərbələr endirilib. APA TV xəbər verir ki, bu barədə məlumatı Türkiyə Silahlı Qüvvələrinin Baş Qərargahı yayıb.

 

Məlumatda deyilir ki, Azad Suriya Ordusunun hücuma keçdiyi Əl-Babda İŞİD-in yüksək vəzifəli nümayəndələrinin iştirakı ilə toplantının keçirildiyi qərargahı Türkiyə Hərbi Hava Qüvvələri tərəfindən vurulub. Nəticədə 18 terrorçu məhv edilib. Onların arasında yüksək vəzifəlilər də var. Əməliyyat uğurla başa çatıb və təyyarələr geri qayıdıblar.