Kerri: “Qüds İsrail və Fələstinin paytaxtı olmalıdır”

Qüds həm İsrail, həm də  Fələstinin paytaxtı olmalıdır. APA TV-nin məlumatına bunu ABŞ-ın dövlət katibi Con Kerri bəyan edib. O, həmçinin İsraili öz təhlükəsizliyini təmin etmək naminə Fələstin ərazilərinin işğalına son qoymağa çağırıb. C.Kerrinin sözlərinə görə, rəsmi Tel-Əviv və Fələstin muxtariyyəti sülh prosesinin nizamlanmasının pozulma təhlükəsinə görə məsuliyyət daşıyırlar.

 

“Nə məskunlaşma siyasətinin yeridilməsi, nə də terror bu prosesə uğur gətirə bilməz”, - deyə C.Kerri bildirib.

 

İsrailin baş naziri Binyamin Netanyahu Con Kerrinin bəyanatına cavab verib. O, bəyan edib ki, İsrail fələstinlilərlə münaqişəni birbaşa danışıqlar masasında həll etməyə səy göstərir və xarici liderlərin mühazirəsinə ehtiyac duymur.

 

Müəllif | Apa.Tv